Askofu Mkuu wa Jimbo Kuu la Dar es Salaam, Mhashamu Sana Jude Thaddaeus Ruwa’ichi OFMCap akiwa katika picha ya pamoja na Mapadri baada ya adhimisho la Misa Takatifu ya Daraja Takatifu ya Upadri wa Padri mpya Richard Mlay CP, iliyofanyika katika Parokia ya Mtakatifu Fransisko Ksaveri - Chang’ombe, jimboni humo.
Dekano wa Dekania ya Kibaha, Jimbo Kuu la Dar es Salaam, Padri Thomas Mtei (katikati) akisema neno kwa Wanakwaya wa Kwaya ya Mtakatifu Petro, Parokia ya Mtakatifu Yakobo Mkuu Mtume, Mabwepande kabla ya Mgeni Rasmi kuzindua albam ya kwanza kwa Kwaya hiyo iliyofanyika hivi karibuni katika viwanja vya parokia.
Padri Richard Mlay CP, akiwa katika picha ya Viongozi wa Halmashauri ya Walei na Waamini wa Parokia ya Mtakatifu Yohane Mtume na Mwinjili- Tegeta Kibaoni Jimbo Katoliki la Bagamoyo baada ya adhimisho la Misa Takatifu ya Daraja Takatifu ya Upadri wake iliyofanyika katika Parokia ya Mtakatifu Fransisko Ksaveri - Chang’ombe, Jimbo Kuu la Dar es Salaam.
Baadhi ya Waimarishwa wa Sakramenti Takatifu ya Kipaimara wa Parokia ya Mtakatifu Karoli Lwanga - Yombo Dovya Jimbo Kuu la Dar es Salaam wakiwa katika adhimisho la Misa Takatifu ya Sakramenti hiyo. Wa pili kushoto ni Careen Sylvester mtoto wa mfanyakazi wa Tumaini Media, Sylvester Ndomba.
Askofu Msaidizi wa Jimbo Kuu la Dar es Salaam Mhashamu Vincent Mpwaji (katikati) akiwa katika picha ya pamoja na Waamini wa Parokia ya Mtakatifu Gaspar del Bufalo, Mbezi Beach wakati wa sherehe ya kumpongeza kwa kuwekwa Wakfu.
Askofu Msaidizi wa Jimbo Kuu la Dar es Salaam, Mhashamu Vincent Mpwaji akiwa katika picha ya pamoja na viongozi wa Halmashauri ya Walei Parokia ya Mtakatifu Thomas Mtume, Vigozi, baada ya adhimisho la Misa Takatifu ya Kipaimara iliyofanyika parokiani hapo. Kushoto kwa Askofu ni Paroko wa Parokia hiyo, Padri Yohana Marunda.
Na Remigius Mmavele
“Chef Djouna anataka kuniuzia gari ili nishuke nalo Kinshasa.” Pepe Kalle hakumjibu kwa hasira bali alimwita mbele yake, akamgeukia Dokolos na kuuliza: Kwani tatizo liko wapi sasa kwa ndugu yako kukuuzia gari?
Mwisho wa yote, Dokolos alinunua gari na walipofika jijini Kinshasa ikawa gumzo ya mjini Dokolos anajivinjari na gari lake BMW pande zote za Jiji la Kinshasa. Kuona hivyo, Pepe Kalle hakusita kwenda kwenye vituo vya radio na televisheni huku akisema: “Huyu hapa Dokolos anaendesha gari lake hovyo hovyo. Anazunguka na gari lake kila mahali. Asije akafanya makosa barabarani ikaja kusababisha ajali.”
Pepe Kalle aliliomba Jeshi la Polisi lifanye kazi yake, akawaambia mkamateni huyo maana naamini anaendesha gari wakati hata leseni hana. Alieleza kwamba ameshawahi kushutumiwa bure kuhusiana na kifo cha Emoro akasema nikabebeshwa msalaba kana kwamba mimi ndiye niliyemuua.
Alisikika akisema wala sitopendelea tena kuhusishwa na mambo ambayo sina hatia nayo na wala siyajui, Bileku anasisitiza kwamba naweza kusema wazi kwamba mali niliyoipata katika maisha yangu, niliipata kutokana na kazi yangu, lakini zaidi pia kwa ushauri wa Pepe Kalle.
Anasimulia kwamba pesa aliyoipata aliizidisha kupitia biashara ndogo ndogo na siku moja walipokuwa Uswisi alikuwa ametoka jijini Kinshasa akiwa na kiasi cha fedha Yuro 15,000. Walipotakiwa kwenda nchini Ufaransa maafisa wa forodha waliwazuia kwa sababu alikuwa na zaidi ya Yuro 10,000 taslimu wakati kiwango kinachoruhusiwa ni Yuro 10,000 pekee. Ilibidi azigawe kwa wenzake zile Yuro 5,000 za ziada akawapatia Vieux Boeing, Papillon, Gode Lofombo na Dokolos.
Wengine hawakuamini kwamba pesa hizo zilikuwa za kwake wakawa wanasema kimya kimya kwamba ni pesa za kundi amepewa na Pepe Kalle ili awapatie wanamuziki wenzake. Mwisho wake hapo mpakani wala hawakuweza kupita maana baada ya uchunguzi walikamatwa kwa kutumia pasipoti bandia.
Bileku anasema kuwa yeye alikuwa mtu wa karibu zaidi sana na Pepe Kalle kuliko mwanamuziki yeyote, anakumbuka kwamba Pepe Kalle alikua akipendelea sana wakati anaimba, sauti yake iwe nakaukwaruzo kidogo, isiwe laini kupita kiasi. Mara nyingi alikua akizungumza na Bileku kwa macho pekee naye akawa anamwelewa vilivyo.
Na Remigius Mmavele
“Chef Djouna anataka kuniuzia gari ili nishuke nalo Kinshasa.” Pepe Kalle hakumjibu kwa hasira bali alimwita mbele yake, akamgeukia Dokolos na kuuliza: Kwani tatizo liko wapi sasa kwa ndugu yako kukuuzia gari?
Mwisho wa yote, Dokolos alinunua gari na walipofika jijini Kinshasa ikawa gumzo ya mjini Dokolos anajivinjari na gari lake BMW pande zote za Jiji la Kinshasa. Kuona hivyo, Pepe Kalle hakusita kwenda kwenye vituo vya radio na televisheni huku akisema: “Huyu hapa Dokolos anaendesha gari lake hovyo hovyo. Anazunguka na gari lake kila mahali. Asije akafanya makosa barabarani ikaja kusababisha ajali.”
Pepe Kalle aliliomba Jeshi la Polisi lifanye kazi yake, akawaambia mkamateni huyo maana naamini anaendesha gari wakati hata leseni hana. Alieleza kwamba ameshawahi kushutumiwa bure kuhusiana na kifo cha Emoro akasema nikabebeshwa msalaba kana kwamba mimi ndiye niliyemuua.
Alisikika akisema wala sitopendelea tena kuhusishwa na mambo ambayo sina hatia nayo na wala siyajui, Bileku anasisitiza kwamba naweza kusema wazi kwamba mali niliyoipata katika maisha yangu, niliipata kutokana na kazi yangu, lakini zaidi pia kwa ushauri wa Pepe Kalle.
Anasimulia kwamba pesa aliyoipata aliizidisha kupitia biashara ndogo ndogo na siku moja walipokuwa Uswisi alikuwa ametoka jijini Kinshasa akiwa na kiasi cha fedha Yuro 15,000. Walipotakiwa kwenda nchini Ufaransa maafisa wa forodha waliwazuia kwa sababu alikuwa na zaidi ya Yuro 10,000 taslimu wakati kiwango kinachoruhusiwa ni Yuro 10,000 pekee. Ilibidi azigawe kwa wenzake zile Yuro 5,000 za ziada akawapatia Vieux Boeing, Papillon, Gode Lofombo na Dokolos.
Wengine hawakuamini kwamba pesa hizo zilikuwa za kwake wakawa wanasema kimya kimya kwamba ni pesa za kundi amepewa na Pepe Kalle ili awapatie wanamuziki wenzake. Mwisho wake hapo mpakani wala hawakuweza kupita maana baada ya uchunguzi walikamatwa kwa kutumia pasipoti bandia.
Bileku anasema kuwa yeye alikuwa mtu wa karibu zaidi sana na Pepe Kalle kuliko mwanamuziki yeyote, anakumbuka kwamba Pepe Kalle alikua akipendelea sana wakati anaimba, sauti yake iwe nakaukwaruzo kidogo, isiwe laini kupita kiasi. Mara nyingi alikua akizungumza na Bileku kwa macho pekee naye akawa anamwelewa vilivyo.
DAR ES SALAAM
Na Arone Mpanduka
Marathon ni mbio za barabarani za umbali mrefu. Kwa mujibu wa sheria za kimataifa za riadha (World Athletics), marathon halisi ni kilometa 42.195.
Nchini Tanzania tunatumia neno ‘marathon’ kwa mazoea kuita tukio lolote la mbio za barabarani, hata kama lina umbali tofauti kama vile kilometa (Fun Run) kwa watu wote, kilometa 10, kilometa 21.1 na kilometa 42.195.
Hata hivyo, kwa mtu ama taasisi inayotaka kuandaa marathon inapaswa kufuata hatua zifuatazo kwa kuzingatia usahihi wake.
WEKA LENGO
Kwa nini unaandaa? Ni kwa ajili ya afya, kuchangisha pesa (charity), kutangaza kampuni au utalii? Lengo hilo litakusaidia kupata vibali na wadhamini.
UNDA KAMATI
Jambo kama hilo huwezi kufanya peke yako, unahitaji watu wa kusaidia maeneo kadhaa ikiwemo fedha na udhamini, logistics na njia ya kukimbia, masoko na usajili na afya na usalama.
BAJETI NA WADHAMINI
Andika bajeti kamili inayojumuisha masuala kadhaa ikiwemo medali, t-shirt, maji, gari la wagonjwa, polisi, mfumo wa kuhesabu muda (timing chips), jukwaa, MC, leseni na kisha tafuta wadhamini.
KIBALI
Hili ni suala muhimu sana kwa sababu lisipofanyika huwezi kuruhusiwa kufanya chochote. Kwa hapa Tanzania unaweza kulitaarifu Shirikisho la Riadha Tanzania (RT) na Baraza la Michezo la Taifa (BMT) ili waweze kutambua mbio zako rasmi.
Mengineyo ni kuhakikisha kwamba lazima unawasiliana na Manispaa / Halmashauri ya Jiji au mji husika ili kupata kibali husika cha kutumia barabara. Kuwasiliana na Jeshi la Polisi kupitia Kikosi cha Usalama Barabarani kwa ulinzi na kufunga barabara.
Kuwasiliana na TANROADS/TARURA ikiwa kama unatumia barabara kuu.
Haiyang, China
Kijana wa Kijapani, Shin Ohashi alivunja rekodi ya dunia ya kuogelea mita 200 kwa mtindo wa ‘breaststroke’ katika Michezo ya Asia, licha ya kuambukizwa Covid-19 wakati wa maandalizi ya mashindano hayo.
Ohashi, mwenye umri wa miaka 17, alishinda kwa muda wa dakika 2 na sekunde 4.83, akivunja kwa urahisi rekodi ya awali ya dakika 2 na sekunde 5.48 iliyowekwa na Qin Haiyang wa China katika Mashindano ya Dunia ya mwaka 2023.
Ohashi ni kijana wa pili mwenye kipaji cha kipekee kuteka vichwa vya habari katika michezo hii, baada ya Yu Zidi wa China, mwenye umri wa miaka 13, kushinda medali yake ya tatu ya dhahabu siku ya Jumatano.
Hii ni medali yake ya pili ya dhahabu katika michezo hii baada ya kushiriki ushindi wa taji la mita 100 kwa mtindo wa ‘breaststroke’ pamoja na Dong Zhihao wa China mapema wiki hii.
“Kuhusu Covid, kwa kweli kulikuwa na wakati ambapo iliniletea wasiwasi kidogo kisaikolojia,” alisema Ohashi baada ya ushindi wake.
“Lakini kwa upande mwingine, kimwili nadhani ilikuwa vizuri kwamba niliweza kuupumzisha mwili wangu ipasavyo kama kipindi cha kupona.”
More...
Barcelona, Hispania
Winga wa klabu ya FC Barcelona na timu ya taifa ya Uingereza, Anthony Gordon, ametoa mtazamo wake kuhusu ushindani wa Tuzo ya Mchezaji Bora Duniani (Ballon d’Or), akieleza kuwa tuzo hiyo inastahili kutwaliwa na Nahodha wa Uingereza, Harry Kane au winga wa Barcelona, Lamine Yamal.
Gordon alieleza kuwa ingawa si rahisi kwake kutoa hukumu ya moja kwa moja kwani yuko kwenye kiwango tofauti na nyota hao, anaona uwezo wa wachezaji wote wawili ni wa hali ya juu mno.
Gordon alijibu swali lililoulizwa kuwa kati ya Harry Kane ama Lamine Yamal nani anastahili kutwaa Ballon d’Or?
“Mimi si mtu sahihi wa kutoa maoni kuhusu hilo. Ni vigumu kwangu kuzungumzia kwa sababu bado sijafikia kiwango hicho, mimi ni kama nyinyi tu, mimi pia ni shabiki tu ninayefuatilia mchakato huo.”
“Tuzo hii inapaswa kwenda kwa mmojawapo kati yao (Kane ama Yamal). Kwa kijana wa umri wa miaka 19 kufanya kile ambacho Lamine Yamal anakifanya hivi sasa ni kitu cha kushangaza mno. Kane alikuwa na msimu bora wa kihistoria kutokana na idadi kubwa ya mabao aliyofunga pamoja na mchango wake mkubwa kwenye michuano ya kimataifa,” alisema.
DAR ES SALAAM
Na Mwandishi Wetu
Timu ya soka ya taifa, Taifa Stars imejiwekea rekodi yake binafsi ya kushinda mechi nyingi za kimashindano za ugenini katika kipindi cha mwaka 2016 hadi sasa.
Katika kipindi chote hicho, Stars imeshinda katika dakika 90 za mechi saba za ugenini za mashindano mbalimbali zikiwemo za kuwania kufuzu AFCON (Mataifa ya Afrika), CHAN (Mataifa ya Afrika kwa Wachezaji wa Ndani), kuwania kufuzu Kombe la Dunia na mashindano yenyewe ya CHAN.
Kwenye mechi za kuwania kufuzu fainali za CHAN na fainali zenyewe, Stars ilifanikiwa kupata ushindi muhimu ugenini ambapo Oktoba mwaka 2019 ilicheza mechi ya kufuzu CHAN ilipindua matokeo ugenini kwa kuichapa Sudan 2-1 na kufuzu mashindano hayo.
Julai 23, 2022, Stars ilicheza mechi ya kufuzu CHAN dhidi ya Somalia na kupata ushindi wa 1-0 ambapo kikanuni Somalia walitumia Uwanja wa Benjamin Mkapa kama uwanja wao wa nyumbani, na Stars ikashinda ikiwa kama timu ya ugenini.
Agosti 6, 2025, Stars ilipata ushindi wa ugenini wa 1-0 dhidi ya Mauritania katika hatua ya makundi ya michuano ya CHAN.
Kwa upande wa mechi za kuwania kufuzu AFCON, Stars iliichapa Guinea 2-1 Septemba 10, 2024 ambapo ilikuwa mechi ya kusisimua ya kuwania kufuzu AFCON 2025 iliyochezwa Yamoussoukro, Ivory Coast, ambapo Stars ilitoka nyuma na kushinda kwa mabao ya Feisal Salum na Bakari Mwamnyeto.
Juni 11, 2024 iliichapa Zambia 1-0 katika mchezo wa kuwania kufuzu Kombe la dunia 2026, ushindi uliopatikana kwenye Uwanja wa Levy Mwanawasa nchini Zambia, bao likifungwa na Waziri Junior.
Waamini kutoka sehemu mbalimbali wakiwa katika Kongamano la Roho Mtakatifu lililofanyika hivi karibuni katika viwanja vya Parokia ya Mtakatifu Antoni wa Padua – Vigoa, Jimbo Kuu la Dar es Salaam. (Picha na Mathayo Kijazi)
Paroko wa Parokia ya Mtakatifu Theresia wa Mtoto Yesu-Kilimahewa, Salasala Jimbo Kuu la Dar es Salaam, Padri Mick Mbuku (wa pili kulia) akiwa na Paroko wa Parokia ya Itimbya Jimbo Katoliki la Kahama, Padri Philipo Sungwa katika picha ya pamoja na viongozi wa Halmashauri ya Walei Parokia baada ya adhimisho la Misa Takatifu ya Dominika iliyoadhimishwa parokiani Kilimahewa.
